Шырав: тĕп пул

Чăваш сăмахĕсен кĕнеки

разориться. Собр. Тарçине шанакан тĕп пулнă, теççĕ. Кто надеется на наемника, тот пропадает (разорится). (Пословица). Изамб. Т. Кавал Сахарĕ тĕп пулнă темест-и? Не правда ли, что Захар Ковалинский разорился. || Замаяться. СТИК. Çав ĕçе тăваймасăр тĕп пултăм. Замаялся я с этим делом. N. Сана шыраса чисти тĕп пултăмăр. || Пропадать, сгинуть. Бугульм. Пире хĕрсем ан кĕтчĕр, кĕтчĕр-кĕтчĕр ан кĕтчĕр, кĕтнĕ çĕртех тĕп пулччăр. Абыз. Вăтăр тенкĕ парса арăм илтĕм, вăтăр тенкĕ тĕп пултăр, арăм çинчен куç каймар. ЧП. Ялтиех те тăшман тĕп пултăр. Стюх. Тăшман тени тĕп пултăр, савнă тусăм сыв пултăр. N. Вăл-ку тĕп пултăр. Истор. Игорь те çавăн пекех пире тĕп пулмасăр чунне кантарас çук. Сред. Юм. Камăн та полса йăх-тĕп пĕтсен, ачапча полмасан, тĕп полнă, теççĕ. Байгул. Эпир илес хĕрсене ырă çын илтĕр тĕп пултăр, мĕскĕн илтĕр усă куртăр. N. Тĕп пул эсĕ (проклятие). КС. Тĕп пулах кайтăр, унпа калаçмастăп. Ну его, я с ним не буду разговаривать. Ib. Тĕп пултăр-и, туртмастăп. Ну его, не буду курить.

Чăвашла-вырăсла фразеологи словарĕ

Тĕп пул 1. разоряться / разориться; 2. замаяться, замучиться; 3. пропадать / пропасть, сгинуть.
1. Тарçине шанакан тĕп пулнă. Ваттисен сăмахĕсем. 2. Çав ĕçе тăваймасăр тĕп пултăм. 3. Тĕттĕмĕ тĕп пулчĕ, мăшкăл иртсе кайрĕ — Тин ирĕке тухрăн, тĕп чăваш чĕлхи. Çеçпĕл М. Тиек сăмахне илтнĕ-илтменех Пурмис мĕкĕрет хĕремесленсех: — Ăшалăр ăна чĕри çурличчен! Тĕп пултăр кунтах, эпир кайиччеи. С. Элкер. Тĕп пулать — кам хӳтлĕхе тарать. М. Сениэль. Хастарлантăм, пултăм Эпĕ комсомол. Хĕрлă ялав тытрăм, Айванлăх, тĕп пул. М. Аттай.

Çавăн пекех пăхăр:

тĕп кашта тĕп кил тĕп мал тĕп пăрăс « тĕп пул » тĕп сухан тĕп тимĕр тĕп ту тĕп хăма тĕп хăта